Chrenin: Biełaruś nie źbirajecca admaŭlacca ad tankaŭ
Ministr abarony Biełarusi Viktar Chrenin zajaviŭ, što biełaruskaja armija nie płanuje admaŭlacca ad vykarystańnia tankaŭ. Pra heta jon paviedamiŭ padčas cyrymonii pieradačy madernizavanych tankaŭ T-72BM2 11‑j asobnaj hvardziejskaj miechanizavanaj bryhadzie.
Viktar Chrenin (źleva) siarod vajskovaj techniki. Fota: «Vajar»
Pavodle słoŭ Viktara Chrenina, madernizavanyja tanki majuć nadziejnuju abaronu ekipaža, vysokuju manieŭranaść i značnuju ahniavuju moc. Jon adznačyŭ, što takaja technika i ciapier zastajecca efiektyŭnym srodkam viadzieńnia bajavych dziejańniaŭ, tamu Biełaruś robić staŭku nie na admovu ad tankaŭ, a na ich udaskanaleńnie.
Chrenin taksama padkreśliŭ, što pry madernizacyi T-72BM2 vykarystanyja sučasnyja inžyniernyja rašeńni biełaruskaha abaronna-pramysłovaha kompleksu.
Na dumku Ministerstva abarony, madernizacyja dazvoliła pavysić uzrovień abarony tanka ad sučasnych srodkaŭ paražeńnia, a taksama palepšyć jaho ahniavyja i taktyka-techničnyja charaktarystyki.
Čytajcie taksama:
Ukrainski vajskoviec: Scenaryj 2022 hoda, kali išli kałony ź Biełarusi, ciapier nierealistyčny
Epocha tankaŭ zaviaršajecca. Jak i čamu Ukraina choča viarnuć ich na pole boju