Ukraincam udałosia źbić rasijski źniščalnik Su-35
Pavietranyja siły Ukrainy paviedamili, što 8 lipienia imi na ŭschodnim kirunku byŭ źbity rasijski šmatcelny źniščalnik Su-35.
Zdymak ilustracyjny. Fota: militaryrussia.ru
Padrabiaznaści apieracyi aficyjna nie raskryvajucca. Rasijskija krynicy paviedamlajuć, što ŭ źniščeńni samalota mahli ŭdzielničać ukrainskija sistemy SPA Patriot i źniščalniki F-16. Hetuju infarmacyju taksama raspaŭsiudžvajuć asobnyja ŭkrainskija manitorynhavyja resursy.
Pavodle paviedamleńniaŭ rasijskaha vajskovaha błohiera Fighterbomber, ekipaž Su-35 nibyta vyžyŭ.
Su-35 — madernizavanaja viersija źniščalnika Su-27. Jon pryznačany dla zavajavańnia pieravahi ŭ pavietry, pierachopu pavietranych celaŭ, a taksama naniasieńnia ŭdaraŭ pa naziemnych i marskich abjektach. Heta nie pieršaja strata samalotaŭ hetaha typu Rasijaj z pačatku poŭnamaštabnaj vajny ŭ 2022 hodzie.
Čytajcie taksama:
Rasijski ŭdarny viertalot Ka-52 źbili siabroŭskim ahniom
Na Kurščynie ŭkraincy źbili rasijski źniščalnik Su-35
Ukrainski F-16 źbiŭ rasijski Su-35 dziakujučy dapamozie šviedskaha samalota