Dzie biełarusy čaściej za ŭsio kuplajuć pustyja chaty
Pavodle infarmacyi Nacyjanalnaha kadastravaha ahienctva, z krasavika pa červień u Biełarusi pradadziena 357 pustych chat u sielskaj miascovaści. Amal u kožnym druhim vypadku (193 ździełki) košt skłaŭ usiaho 1 bazavuju vieličyniu. Samym aktyŭnym staŭ červień — 147 prodažaŭ.
Zdymak ilustracyjny. Fota: «Naša Niva»
Lidaram pa kolkaści pradadzienych chat stała Hrodzienskaja vobłaść — 96 abjektaŭ. U Minskaj vobłaści pradadziena 64 damy, u Bresckaj — 63, u Viciebskaj — 57, u Mahiloŭskaj — 56. Mienš za ŭsio ździełak zaklučana ŭ Homielskaj vobłaści — 21.
Biez tarhoŭ pradadziena 217 damoŭ, praz aŭkcyjon — 140 damoŭ.
«Cikavaść da tannaj zaharadnaj nieruchomaści zachoŭvajecca. Pakupniki šukajuć letnija dačy, ziamlu ŭ cišyni i bazu dla abstalavańnia ŭtulnaj siadziby», — raskazali ŭ Nacyjanalnym kadastravym ahienctvie.
Čytajcie taksama:
Biełarusy ŭsio bolš achvotna kuplajuć pustyja chaty ŭ vioskach
Biełaruska nabyła stohadovuju chatu pad Brestam — i ciapier chavajecca ad myšej
Pustyja chaty na vioscy dazvolili pradavać sa značnymi źnižkami