U Kobrynskim rajonie ŭ DTZ zahinuła 15‑hadovaja dziaŭčyna, jašče try maładyja čałavieki ŭ balnicy
22‑hadovy vadziciel na BMW nie daŭ rady kiravańniu.
Śmiarotnaje DTP adbyłosia viečaram 9 lipienia kala 22:50 na aŭtadarozie R-127 «Kobryn — miaža Ukrainy».
Pavodle papiaredniaj infarmacyi DAI Bresckaj vobłaści, 22‑hadovy kiroŭca aŭtamabila BMW na trasie nie vybraŭ biaśpiečnuju chutkaść ruchu i straciŭ kantrol nad mašynaj.
Aŭtamabil źjechaŭ kiuviet i pierakuliŭsia.
U vyniku avaryi 15‑hadovaja dziaŭčyna-pasažyr ad atrymanych traŭmaŭ zahinuła na miescy zdareńnia.
Sam kiroŭca, a taksama jašče dva pasažyry — 15‑hadovaja dziaŭčyna i 18‑hadovy chłopiec — atrymali ranieńni i byli špitalizavany.