U Iranie pachavali ajatału Chamieniei
U iranskim horadzie Miešchied zaviaršylisia pachavańni viarchoŭnaha lidara Irana ajatały Ali Chamieniei, zabitaha try z pałovaj miesiacy tamu, u pieršy dzień izrailska-amierykanskaj pavietranaj kampanii.
Fota: AP Photo / Anmar Khalil
Cyrymonii raźvitańnia z ajatałoj Chamieniei praciahvalisia šeść dzion i prachodzili ŭ niekalkich haradach Irana i susiedniaha Iraka. U Miešchied cieła viarchoŭnaha lidara było dastaŭlena ŭ čaćvier ranicaj na viertalocie.
U apošni dzień vializnyja natoŭpy znoŭ zapoŭnili hałoŭnyja vulicy, hetym razam — vulicy Miešchieda, samaha śviatoha horada Irana i radzimy ajatały Ali Chamieniei, vulicy, što viaduć da załatoha kupała maŭzaleja imama Rezy, piša VVS.
Tysiačy prychilnikaŭ isłamskaha režymu nieśli fatahrafii Chamieniei, ściahi Irana i płakaty z zaklikami zabić Donalda Trampa i Bińjamina Nietańjachu.
Ajatału Ali Chamieniei pachavali ŭ adnoj z hałoŭnych śviatyniaŭ musulman-šyitaŭ — u maŭzalei imama Rezy.