Vyjšaŭ na volu palitviazień Alaksiej Sančuk, jaki barabaniŭ na pratestach. Jon całkam adbyŭ šaścihadovy termin
Alaksiej Sančuk trapiŭ za kraty ŭ listapadzie 2020 hoda.
Alaksiej Sančuk. Fota: «Viasna»
Alaksieju Sančuku ciapier 35 hadoŭ. Jon skončyŭ Minski architekturna-budaŭničy kaledž i da zatrymańnia zajmaŭsia zborkaj mebli. U jaho jość žonka i dačka.
Padčas pratestaŭ jon spačatku ŭdzielničaŭ u viełaprabiehach salidarnaści, a paśla byŭ adnym z udzielnikaŭ prajekta «Patrabujem razyścisia». Razam ź inšymi jon sabraŭ barabannuju ŭstanoŭku, jakaja zadavała rytm na maršach i dvaravych akcyjach.
Sančuka zatrymali 4 listapada 2020 na repietycyjnym punkcie. Paśla zaviali kryminalnuju spravu. U mai 2021 hoda jaho asudzili za «padrychtoŭku da ŭdziełu ŭ masavych biesparadkach» (art. 13 i č. 2 art. 293 KK), «navučańnie ŭdziełu ŭ masavych biesparadkaŭ» (č. 3 art. 293 KK) i «arhanizacyja i ŭdzieł u dziejańniach, jakija hruba parušajuć hramadski paradak» (č. 1 i 2 art. 342 KK).
Chłopcu prysudzili šeść hadoŭ kałonii. Pakarańnie jon adbyvaŭ u Škłovie. Pa źviestkach «Viasny», Sančuk vyjšaŭ na svabodu ŭ pačatku lipienia 2026 hoda.