Uładalnik Ford akazaŭsia vinavatym u avaryi z Porsche Cayenne. Kolki jon pavinien vypłacić za ramont, choć strachoŭka i była
Strašny son aŭtamabilista staŭ realnaściu dla minčuka.
DTZ z udziełam Porsche Cayenne u Minsku pa vinie kiroŭcy Ford Fiesta stała prykładam taho, jak limitu vypłat pa abaviazkovym strachavańni moža nie chapić — doŭh vinavataha ŭ avaryi navat pieravysiŭ hetuju sumu, paviedamlaje Minfin.
U kiroŭcy Ford Fiesta było aformlena tolki abaviazkovaje strachavańnie aŭtahramadzianskaj adkaznaści. Tamu kampanija kampiensavała pryčynienuju Porsche Cayenne u ramkach limitu adkaznaści — na 48,3 tysiačy rubloŭ.
Ramont ža paškodžanaha Porsche acanili bolš čym u 123 tysiačy rubloŭ.
Astatnija 75 tysiač lehli na kiroŭcu, jaki ŭčyniŭ avaryju. Hetuju sumu jamu daviadziecca vypłacić paciarpiełamu boku.
Jak adznačyli ŭ Minfinie, paźbiehnuć takoj situacyi možna, zaklučyŭšy dahavor dobraachvotnaha strachavańnia.