Na maskoŭskich mohiłkach adkryli pomnik Alaksieju Navalnamu FOTAFAKT
Na Barysaŭskich mohiłkach u Maskvie pastavili pomnik na mahile viadomaha rasijskaha apazicyjaniera Alaksieja Navalnaha, jaki zahinuŭ u źniavoleńni dva z pałovaj hoda tamu.
Fota: Sota
U abjaŭlenym svajakami Navalnaha konkursie pomnikaŭ pieramoh eskiz «Tytan i kamień».
«Nadmahille hranična łakaničnaje. Jano składajecca z troch błokaŭ čornaha hranitu i nadpisu ź mietału ź imiem «Alaksiej Navalny» biez dadatkovaha tekstu», — havaryłasia ŭ apisańni eskiza.
Alaksiej Navalny byŭ zabity 16 lutaha 2024 hoda ŭ kałonii ŭ pasiołku Charp Jamała-Nienieckaj aŭtanomnaj akruhi. Paźniej The Insider vyśvietliŭ, što palityk byŭ atručany vysokataksičnym jadam epibatydynam. Heta ŭ sumiesnaj zajavie paćvierdzili Vialikabrytanija, Šviecyja, Francyja, Hiermanija i Niderłandy.
Čytajcie taksama:
U dzień naradžeńnia Navalnaha vyjšła aŭdyjakniha «Patryjot»