Na vychadnyja prahnazujuć zalevy z navalnicami

Sinoptyki papiaredzili, što ŭ vychadnyja, 11 i 12 lipienia, u Biełarusi čakajecca niaŭstojlivaje nadvorje z daždžami, navalnicami i miescami mocnymi zalevami.

Zdymak ilustracyjny. Fota: «Naša Niva»

U subotu nadvorje budzie vyznačacca vobłaściu panižanaha atmaśfiernaha cisku i niaŭstojlivymi pavietranymi masami. Na bolšaj častcy krainy projduć karotkačasovyja daždžy, a ŭdzień u asobnych rajonach mahčymyja mocnyja zalevy i navalnicy. Miescami ŭnačy i ranicaj moža zhuščacca tuman. Viecier budzie pieramiennych kirunkaŭ, pry navalnicach — paryvisty.

Tempieratura pavietra ŭnačy składzie ad +9 da +15 hradusaŭ, udzień — ad +18 da +24.

U niadzielu nadvorje budzie farmavacca pad upłyvam atmaśfiernych frantoŭ i niaŭstojlivych pavietranych mas. Unačy apadki čakajucca miescami, a ŭdzień daždžy projduć užo na bolšaj častcy terytoryi krainy. U asobnych rajonach znoŭ mahčymyja mocnyja zalevy i navalnicy. Nie vyklučany taksama tuman.

Viecier budzie paŭnočnaha napramku, pry navalnicach — z mocnymi paryvami. Unačy čakajecca ad +9 da +16 hradusaŭ, udzień pavietra prahrejecca da +18…+24 hradusaŭ, a ŭ paŭnočnych rajonach krainy — da +26 hradusaŭ.

A paśla, pavodle prahnozaŭ Biełhidramieta, paśla pieryjadu niaŭstojlivaha nadvorja ŭ Biełaruś znoŭ pavinna viarnucca letniaja śpiakota.

Kamientary da artykuła