U Minsku zakryŭsia bar «Vostryja kazyrki»
U kvartale K21 kala stancyi mietro «Maładziožnaja» ŭ Minsku zakryŭsia bar «Vostryja kazyrki». Pra heta źjaviłasia paviedamleńnie na jahonaj staroncy ŭ sacsietkach, piša Office Life.
Fota: Realt
Na instahram-staroncy ŭstanovy źjaviŭsia nadpis «Časova zakryty». Jak zaŭvažyŭ Realt.by, na samoj Kalvaryjskaj, 21 užo źniali šyldu i całkam vyvieźli meblu z dekoram — unutry nie zastałosia nijakich zhadak pra raniejšaha arandatara.
Pab u styli indastryjał adkryŭsia ŭ śniežni 2019 hoda. Jaho zapuścili try partniory, dvoje ź jakich viarnulisia ŭ Biełaruś paśla 10 hadoŭ žyćcia ŭ Łondanie i Birminhiemie, kab adnavić u Minsku sapraŭdnuju brytanskuju kulturu. Ustanova na 40 miescaŭ rabiła staŭku na jeŭrapiejski kraft i atmaśfieru «biez pafasu», a «fiškaj» interjeru była aŭtentyčnaja cehła, jakaja zachavałasia z časoŭ, kali budynak źjaŭlaŭsia filijałam «Minskdreva».
U svoj čas hetuju zakinutuju meblevuju fabryku pieratvaryli ŭ sučasny kvartał K21 dla pracy i adpačynku, a pab paśpieŭ stać adnoj ź jaho vizitnych kartak.
Čytajcie taksama:
Zakryvajecca viadomy brend biełaruskaha adzieńnia Honar
U Biełarusi zakryli prajekt pa ŭstanoŭcy «butelkamataŭ». Heta była ŭžo nie pieršaja sproba
U Minsku dahetul pracuje siamiejnaje atelje «Lavonicha», stvoranaje jašče ŭ 1962 hodzie