Tramp zahadaŭ razbambić Iran u vypadku svajoj hibieli

U intervju vydańniu The New York Post prezident ZŠA Donald Tramp skazaŭ, što daŭno ličyć siabie adnoj z hałoŭnych celaŭ Irana. Pavodle jaho słoŭ, jon pakinuŭ rasparadžeńnie, kab u vypadku jaho hibieli Iran byŭ atakavany «z takoj siłaj, jakoj jon jašče nikoli nie bačyŭ».

Donald Tramp. Fota: Joe Raedle / Getty Images

Takim čynam Tramp prakamientavaŭ paviedamleńni pra toje, što Izrail nibyta pieradaŭ ZŠA raźviedvalnyja źviestki pra novy płanie Irana pa jaho zabojstvie. Pry hetym amierykanski prezident zajaviŭ, što pahrozy ŭ svoj adras atrymlivaje ŭžo daŭno, i adznačyŭ, što Izrail nie adkryŭ ničoha pryncypova novaha.

Raniej amierykanskaja presa paviedamlała, što izrailskaja raźviedka pieradała amierykanskim uładam infarmacyju pra mahčymuju padrychtoŭku novaha zamachu na Trampa. Pavodle infarmacyi krynic, u apošnija tydni amierykanskija śpiecsłužby ŭžo atrymlivali padobnyja sihnały, ale apošnija danyja ŭtrymlivali novyja źviestki pra mierkavanuju zmovu.

Padrabiaznaści mahčymaj apieracyi pakul nie raskryvajucca. Razam z tym niekatoryja amierykanskija čynoŭniki miarkujuć, što Izrail moh pieradać takuju infarmacyju, kab paŭpłyvać na pazicyju Donalda Trampa adnosna mahčymaha ŭzmacnieńnia vajennych dziejańniaŭ ZŠA suprać Irana.

Kamientary da artykuła