Kolkaść achviaraŭ ziemlatrusu ŭ Vieniesuele pieravysiła 4300

Kolkaść zahinułych u vyniku dvuch mocnych ziemletrusaŭ u Vieniesuele pieravysiła 4 tysiačy čałaviek. Pavodle apošnich aficyjnych źviestak, achviarami stychii stali nie mienš jak 4 333 čałaviek, jašče 16 740 atrymali traŭmy. Akramia taho, tysiačy ludziej ličacca źnikłymi bieź viestak. 18 437 čałaviek, jakija stracili dach nad hałavoj, raźmieščanyja ŭ časovych łahierach.

Fota: AP

Abodva ziemlatrusy adbylisia 24 červienia ź intervałam u 39 siekund. Mahnituda pieršaha skłała 7,2, druhoha — 7,5. Heta byŭ najmacniejšy ziemlatrus u Vieniesuele za bolš čym sto hadoŭ. Najbolš paciarpieŭ prybiarežny štat Ła-Huajra, dzie byli razburanyja cełyja kvartały žyłych damoŭ.

Pošukava-vyratavalnyja raboty ŭžo zavieršanyja, adnak svajaki zahinułych praciahvajuć šukać svaich blizkich siarod zavałaŭ, kab mieć mahčymaść ich pachavać.

11 lipienia ŭ centry Karakasa adbyŭsia jašče adzin ziemlatrus mahnitudaj 3,0. Jon vyklikaŭ karotkačasovuju paniku, z budynkaŭ byli evakujavanyja ludzi.

Ułady krainy adznačajuć, što likvidacyja nastupstvaŭ katastrofy zapatrabuje vialikich resursaŭ. Arhanizacyja Abjadnanych Nacyj užo źviarnułasia z zaklikam vydzielić amal 300 miljonaŭ dalaraŭ na humanitarnyja i adnaŭlenčyja raboty.

Časovaja prezidentka Vieniesueły Dełsi Radryhies taksama zaklikała razmarozić zamiežnyja aktyvy krainy dla finansavańnia adnaŭleńnia. U pryvatnaści, jana paprasiła Vialikabrytaniju razbłakavać kala 30 ton vieniesuelskaha zołata, jakoje znachodzicca pad sankcyjami.

Kamientary da artykuła