Amierykanskaja armija naniesła novyja ŭdary pa Iranie: atakavanyja sistemy SPA i katary KVIR u Armuzskim pralivie
U niadzielu, 12 lipienia, uzbrojenyja siły ZŠA ździejśnili sieryju ŭdaraŭ pa vajskovych abjektach u Iranie. Pra heta paviedamiŭ žurnalist vydańnia Axios Barak Ravid sa spasyłkaj na vysokapastaŭlenaha amierykanskaha čynoŭnika.
Pavodle infarmacyi žurnalista, pad ataku patrapili iranskija rakietnyja kompleksy, sistemy supraćpavietranaj abarony, a taksama katary Korpusa vartavych isłamskaj revalucyi.
Iranski bok užo paćvierdziŭ najaŭnaść achviar. Jak pieradaje dziaržaŭnaje infarmahienctva IRNA, u vyniku napadaŭ na ŭźbiarežžy Piersidskaha zaliva zahinuŭ adzin supracoŭnik telekamunikacyjnaj kampanii Mobile Communications of Iran, jašče dvoje atrymali ranieńni.
Kanflikt zakranuŭ i susiednija rehijony. Ministerstva abarony Kuviejta zajaviła, što padčas abmienu ŭdarami pamiž ZŠA i Iranam paciarpieli try pamiežnyja pasty i marskaja buravaja płatforma, jakaja naležyć dziaržaŭnaj naftahazavaj karparacyi Kuwait Petroleum. Iranski resurs Fars adznačyŭ, što KVIR u adkaz dronami atakavaŭ amierykanskija rakietnyja puskavyja ŭstanoŭki na terytoryi Kuviejta.