Mužčyna stajaŭ na kaleniach u mietro i prasiŭ hrošy nibyta na lačeńnie syna. Ale jaho raskusili
Isnuje čat, u jakim abmiarkoŭvajucca maršruty patruloŭ milicyi i pytańni, źviazanyja sa zboram hrošaj.
Milicyja zatrymała ŭ padziemnym pierachodzie stancyi mietro 31‑hadovaha žychara Minskaj vobłaści, jaki prasiŭ u minakoŭ hrošy nibyta na darahoje lačeńnie svajho syna, piša «Milicyja Minska».
Mužčyna stajaŭ na kaleniach ź infarmacyjnaj šyldaj na šyi i padčas razmovy pierakonvaŭ minakoŭ, što dzicia ciažka chvareje i terminova maje patrebu ŭ reabilitacyi za miažoj.
Padčas pravieračnych mierapryjemstvaŭ supracoŭniki milicyi ŭstanavili, što zatrymany vykarystoŭvaŭ sabranyja hrošy na asabistyja patreby.
Jon byŭ udzielnikam tematyčnaha čata, u jaki ŭvachodzili niekalki čałaviek. U im, u tym liku, abmiarkoŭvalisia maršruty patruloŭ milicyi i pytańni, źviazanyja sa zboram hrošaj. Taksama ŭstanoŭleny asoby inšych udzielnikaŭ hetaha čata.
Pavodle paviedamleńnia milicyi, usie jany raniej pryciahvalisia da kryminalnaj i administracyjnaj adkaznaści, u tym liku za nazojlivaje čaplańnie da hramadzian.
Pa hetym fakcie pravodzicca pravierka.