ES pakul nie ŭzhadniŭ 21‑y pakiet sankcyj suprać Rasii
«Jašče zastajucca adkrytyja pytańni», zajaviła Kaja Kałas.
Fota: AP
Niahledziačy na toje, što novy pakiet sankcyj pakul nie ŭzhodnieny, kiraŭnica dypłamatyi ES Kaja Kałas paviedamiła, što 13 lipienia jašče 250 rasijskich fizičnych i jurydyčnych asob mohuć być uklučanyja ŭ sankcyjnyja śpisy. Pavodle jaje słoŭ, «heta najbolšaja kolkaść fihurantaŭ, jakuju my kali-niebudź unosili ŭ sankcyjnyja śpisy», piša DW Biełaruś.
«Što da 21‑ha pakieta, to tut usio jašče zastajucca adkrytyja pytańni», — dadała jana.
Akramia taho, pa patrabavańni Bałharyi z prajekta 21‑ha pakieta byli vyklučanyja patryjarch RPC Kirył i zasnavalnik kampanii «Łukojł» Vahit Alekpieraŭ.
Kiraŭnica Jeŭrapiejskaj kamisii Ursuła fon der Lajen pradstaviła 21‑y pakiet sankcyj ES 9 červienia. Siarod prapanavanych mier — zabarona na ŭjezd na terytoryju Jeŭrapiejskaha sajuza dla ŭdzielnikaŭ vajny Rasii suprać Ukrainy.
Pieršapačatkova Jeŭrakamisija prapanoŭvała zabaranić ujezd u ES usim, chto słužyŭ va Uzbrojenych siłach Rasii z pačatku poŭnamaštabnaj vajny suprać Ukrainy. Adnak z-za pazicyi Francyi i Italii hetuju mieru vyrašyli źmiakčyć: ciapier abmiežavańni prapanujecca raspaŭsiudzić tolki na karotkaterminovyja vizy i na asob, jakija niepasredna ŭdzielničali ŭ bajavych dziejańniach.