Čałaviečyja pareštki znajšli pad padłohaj carkvy ŭ Haradockim rajonie
Sudovym ekśpiertam treba budzie vyśvietlić, kamu jany naležać.
Fota Dziaržkamitet sudovych ekśpiertyz
U Haradockim rajonie, u vioscy Chvošna, padčas rekanstrukcyi carkvy Uźniasieńnia Haspodniaha, pabudavanaj u XIX stahodździ, rabočyja vyjavili čałaviečyja pareštki. Jany znachodzilisia ŭ słoi piasčanaj zasypki pad bietonnaj asnovaj padłohi.
Na miesca zdareńnia vyjazdžała śledča-apieratyŭnaja hrupa z udziełam śpiecyjalista Viciebskaha mižrajonnaha adździeła Dziaržaŭnaha kamiteta sudovych ekśpiertyz, paviedamlaje Dziaržkamitet sudovych ekśpiertyz.
Śpiecyjalistam DKSE treba budzie ŭstanavić daŭnaść pachavańnia, poł i pryblizny ŭzrost čałavieka, a taksama vyvučyć mahčymaść vydzialeńnia DNK-profilu dla identyfikacyi asoby i acanić ślady mahčymych traŭmaŭ abo patałahičnych źmianieńniaŭ.