Zapisvać videa ŭ tualecie stanie nielha, a zapisy ź videanazirańnia buduć zachoŭvacca nie bolš za miesiac
Źbirajucca źmianiać zakon ab abaronie piersanalnych danych.
Na pravavym forumie Biełarusi pačałosia hramadskaje abmierkavańnie prajekta zakona «Ab źmianieńni zakonaŭ pa pytańniach abarony piersanalnych danych».
Raspracoŭščyki dekłarujuć, što havorka idzie nie pra ŭzmacnieńnie kantrolu, a pra źnižeńnie administracyjnaj nahruzki na arhanizacyi.
Pašyrajecca pieralik vypadkaŭ apracoŭki danych biez zhody. Naprykład, heta razhlad reziume pry pryjomie na pracu; danyja ź listoŭ, nakiravanych na elektronnuju poštu arhanizacyi; fota hramadzian na sajtach arhanizacyj; transhraničnaja pieradača danych; vykanańnie mižnarodnych dahavoraŭ Biełarusi i inšaje.
Asobny raździeł tyčycca videa– i aŭdyjazapisaŭ: zabaraniajecca sačyć za kankretnymi supracoŭnikami ci kantralavać pracoŭnuju dyscyplinu praz kamiery.
Taksama zabaroniać zapisy ŭ prybiralniach, raździavałkach i padobnych miescach.
Zachoŭvańnie zapisaŭ ciapier budzie abmiežavanaje 30 dniami (kali inšaje nie praduhledžana zakanadaŭstvam).
U Žyllovy kodeks dadajecca norma pra kamiery videanazirańnia ŭ padjezdach — z patrabavańniem zhody ŭładalnika kvatery, kali kamiera «bačyć» uvachod u jaho žyllo.