Łukašenka: U Biełarusi treba nastojliva pierachodzić na aciapleńnie pieletami, haz — tolki jak rezierv
U Biełarusi nieabchodna nastojliva pierachodzić na aciapleńnie pieletami, a pryrodny haz i inšyja vidy paliva vykarystoŭvać tolki jak rezierv. Pra heta Alaksandr Łukašenka zajaviŭ padčas rabočaj pajezdki ŭ Škłoŭski rajon, dzie naviedaŭ rekanstrujavany ahraservis, piša BiełTA.
Fota: Ramil Sitdikov Pool Photo via AP
Jamu paviedamili, što kacielnia ahraservisu pracuje na draŭnianych pieletach.
«Pravilna. Pastupova, nastojliva treba pierachodzić na aciapleńnie pieletami, drovami i inšym. Voś u palakaŭ ciapier zavobłačnyja ceny na pielety. Nie kuplajuć (u Biełarusi hetuju pradukcyju). Nu, jak chočacie. Pielety patrebny tut. Treba aciaplać imi ŭ Biełarusi», — skazaŭ jon.
Jon padkreśliŭ, što ŭ Biełarusi jość vialikaja kolkaść miascovaj draŭnianaj syraviny, jakuju nieabchodna efiektyŭna pierapracoŭvać i vykarystoŭvać.
«My heta ŭmiejem rabić. Zavodaŭ u nas dastatkova. Tamu pielety i jašče raz pielety. Pryrodny haz abo inšaja krynica paliva — tolki jak rezierv», — padsumavaŭ Alaksandr Łukašenka.