U Polščy projduć vajskovyja vučeńni kala miažy z Rasijaj i Biełaruśsiu
Metaj vučeńniaŭ nazvanyja padtrymańnie apieratyŭnaj hatoŭnaści i pavyšeńnie bajavych mahčymaściej vojska.
Fota: Damian Lemanski/Bloomberg via Getty Images
13 i 14 lipienia na paŭnočnym uschodzie Polščy, kala miažy ź Biełaruśsiu i Rasijaj, projduć zapłanavanyja vajskovyja vučeńni asobnych padraździaleńniaŭ Uzbrojenych sił krainy. Pra heta paviedamlaje Polskie Radio 24 sa spasyłkaj na paviedamleńnie Apieratyŭnaha kamandavańnia polskich Uzbrojenych sił.
Metaj vučeńniaŭ nazvanyja padtrymańnie apieratyŭnaj hatoŭnaści i pavyšeńnie bajavych mahčymaściej vojska.
Apieratyŭnaje kamandavańnie zaklikała žycharoŭ ustrymacca ad publikacyi fotazdymkaŭ i videamateryjałaŭ ź pieramiaščeńniem vajskovych padraździaleńniaŭ.
U suviazi z praviadzieńniem vučeńniaŭ hramadzian taksama papiaredzili ab mahčymym źjaŭleńni vajskovaj techniki i vajskoŭcaŭ na darohach ahulnaha karystańnia.