U Staradarožskim rajonie karova na fiermie pakalečyła žančynu
U Staradarožskim rajonie na adnoj z małočnatavarnych fierm paciarpieła rabotnica 2005 hoda naradžeńnia. Padčas vykanańnia svajoj pracy jana atrymała ciažkija traŭmy i była špitalizavanaja, piša «Minskaja praŭda».
Zdymak ilustracyjny. Fota: «Naša Niva»
Zdareńnie adbyłosia 10 lipienia niedzie apoŭdni. Žančyna sprabavała vyhnać karovu z prachoda, znachodziačysia pierad žyviolinaj i razmachvajučy rukami. Spałochanaja karova rezka rušyła napierad i prycisnuła rabotnicu da mietaličnaj aharodžy.
Paciarpiełuju dastavili ŭ chirurhičnaje adździaleńnie Staradarožskaj centralnaj rajonnaj balnicy.
Pavodle papiaredniaha dyjahnazu, jana atrymała kampresijny pierałom adnaho z hrudnych pazvankoŭ.
Pa fakcie zdareńnia pravodzicca pravierka.
Čytajcie taksama:
Na Mahiloŭščynie likvidujuć ahrachołdynh, u jakim Łukašenka niekali svaryŭsia za «abasranych karoŭ»
Siryjski inviestar ukłaŭsia ŭ kałhas-bankrut na Brasłaŭščynie. Jaki vynik?