U Homieli mužčyna źniaŭ małanku zusim pobač z saboj VIDEA
Žychar Homiela, jaki padčas navalnicy pierachodziŭ piešachodny most pamiž mikrarajonami Stary Aeradrom i Sielmaš, vypadkova źniaŭ na videa ŭdar małanki, što adbyŭsia zusim blizka ad jaho, piša «Mieteavajb».
Zdymak ilustracyjny. Fota: pixabay.com
Na zapisie vidać, jak most zalivaje mocny doždž, a paryvisty viecier dźmie zboku. U niejki momant usio navokał na imhnieńnie aśviatlaje jarkaja ŭspyška, paśla čaho adrazu razdajecca mahutny hrom. Miarkujučy pa videa, małanka ŭdaryła zusim pobač z aŭtaram zapisu.
Paśla mocnaj navalnicy ŭ Homieli haradskija słužby praciahvajuć likvidavać jaje nastupstvy. U rajonie aŭtavakzała i adździaleńnia «Biełpošty» adpampoŭvali vadu z padtoplenych terytoryj. Taksama paviedamlałasia, što byŭ parušany ruch transpartu pa vulicach Internacyjanalnaj, Savieckaj, Jafremava, a taksama pa praśpiektach Lenina i Pieramohi, ale jon užo adnoŭleny.
Čytajcie taksama:
Ci pryciahvaje smartfon małanku? Ratavalniki raskazali, ci treba vyklučać telefon u navalnicu