У Гомелі мужчына зняў маланку зусім побач з сабой ВІДЭА
Жыхар Гомеля, які падчас навальніцы пераходзіў пешаходны мост паміж мікрараёнамі Стары Аэрадром і Сельмаш, выпадкова зняў на відэа ўдар маланкі, што адбыўся зусім блізка ад яго, піша «Метэавайб».
Здымак ілюстрацыйны. Фота: pixabay.com
На запісе відаць, як мост залівае моцны дождж, а парывісты вецер дзьме збоку. У нейкі момант усё навокал на імгненне асвятляе яркая ўспышка, пасля чаго адразу раздаецца магутны гром. Мяркуючы па відэа, маланка ўдарыла зусім побач з аўтарам запісу.
Пасля моцнай навальніцы ў Гомелі гарадскія службы працягваюць ліквідаваць яе наступствы. У раёне аўтавакзала і аддзялення «Белпошты» адпампоўвалі ваду з падтопленых тэрыторый. Таксама паведамлялася, што быў парушаны рух транспарту па вуліцах Інтэрнацыянальнай, Савецкай, Яфрэмава, а таксама па праспектах Леніна і Перамогі, але ён ужо адноўлены.
Чытайце таксама:
Ці прыцягвае смартфон маланку? Ратавальнікі расказалі, ці трэба выключаць тэлефон у навальніцу