Zboj na BČ: ciahniki z Połacka i Bresta zatrymlivajucca na niekalki hadzin
Na Biełaruskaj čyhuncy adbyŭsia techničny zboj: ciahniki «Połack — Brest» i «Brest — Maskva» zachraśli na stancyi Minsk-Pasažyrski i adchililisia ad hrafiku.
Ciahnik №657 Połack — Brest (adpraŭleńniem 13 lipienia a 18:16) pa techničnych pryčynach byŭ vymušany spynicca na stancyi Minsk-Pasažyrski. Jon ruchajecca z zatrymkaj kala 2 hadzin 45 chvilin.
A sa stancyi Minsk-Pasažyrski sa spaźnieńniem adpraviŭsia ciahnik №28 Brest — Maskva. Čakajecca, što ŭ stalicu RF jon prybudzie sa spaźnieńniem prykładna na 1 hadzinu 20 chvilin.
BČ pryniesła prabačeńni pasažyram, adnak što mienavita złamałasia i stała pryčynaj zboju, nie ŭdakładniła. Padrabiaznaści pra ruch ciahnikoŭ možna daviedacca pa telefonie daviedačnaj słužby 105.