Pryznali «ekstremisckimi farmavańniami» jašče dźvie arhanizacyi
U Biełarusi ŭ śpis tak zvanych «ekstremisckich farmavańniaŭ» uklučyli jašče dva prajekty — Kamaroŭka i «Biełaruskaje padraździaleńnie śpiecyjalnaha pryznačeńnia 1514», piša «Viasna».
Kiraŭnik prajekta Kamarouka Dźmitryj Zavadski
MUS pryznała takim farmiravańniem «Biełaruskaje padraździaleńnie śpiecyjalnaha pryznačeńnia 1514». Pavodle viedamstva, da jaho majuć dačynieńnie Andrej Traceŭski, Stanisłaŭ Šaško i Kirył Bałachonaŭ.
Padraździaleńnie 1514 składajecca ź biełaruskich dobraachvotnikaŭ i ŭvachodzić u skład «Śpiecpadraździaleńnia Cimura» Hałoŭnaha ŭpraŭleńnia raźviedki Ministerstva abarony Ukrainy.
KDB, u svaju čarhu, uklučyŭ u hety śpis prajekt Kamaroŭka. Pavodle infarmacyi śpiecsłužby, ź im źviazvajuć Dźmitryja Zavadskaha, Volhu Kasiančuk i Ksieniju Kamienku.
Prajekt Kamaroŭka pazicyjanuje siabie jak mižnarodny markietpłejs biełaruskich tavaraŭ, dzie prapanujecca pradukcyja biełaruskich vytvorcaŭ — ad pradmietaŭ interjeru da adzieńnia.
Čytajcie taksama:
Pryznali «ekstremisckim farmavańniem» prajekt «Čyn Čyn Čeneł»
U Biełarusi — 365 ekstremisckich farmavańniaŭ i arhanizacyj
Zapracavaŭ sajt adnoŭlenaj Biełaruskaj internet-biblijateki Kamunikat