U Łodzi palak napaŭ na palaka, bo dumaŭ, što jon ukrainiec
U polskim horadzie Łodź nieviadomy mužčyna napaŭ na vypadkovaha minaka, bo pamyłkova paličyŭ jaho ŭkraincam. Incydent adbyŭsia 11 lipienia ŭ centry horada na alei Piłsudskaha, piša Rmf24.pl.
Zdymak ilustracyjny. Fota: pixabay.com
Pavodle słoŭ paciarpiełaha, napadnik padyšoŭ da jaho, kali jon razmaŭlaŭ pa telefonie, udaryŭ niekalki razoŭ i pačaŭ abražać, zajaŭlajučy, što jamu nibyta «nie miesca ŭ hetaj krainie».
Paciarpiełym akazaŭsia hramadzianin Polščy. U vyniku napadu jon atrymaŭ surjoznyja traŭmy hałavy, paškodžańni nosa i skivicy, paśla čaho byŭ dastaŭleny ŭ balnicu. Na nastupny dzień mužčyna źviarnuŭsia ŭ palicyju.
Pravaachoŭniki šukajuć napadnika. Jany ŭžo atrymali zapisy z kamier videanazirańnia i źviartajucca da śviedkaŭ zdareńnia.
U palicyi adznačyli, što kančatkovy matyŭ dziejańniaŭ napadnika možna budzie ŭstanavić tolki paśla jaho zatrymańnia i dopytu.
Čytajcie taksama:
Karal Naŭrocki zaklikaŭ polski Siejm zabaranić ściah UPA
Naŭrocki raspavioŭ pra razmovu ź Zialenskim u Ankary i źmianiŭ ton u adnosinach da Ukrainy
«Z Banderaj Ukrainu ŭ ES nie prymuć»: u Polščy pryhrazili błakavać šlach Ukrainy ŭ Jeŭrasajuz
U Polščy zatrymali ŭkrainca, jaki pahražaŭ Naŭrockamu ŭ internecie