Naŭsieda: Rasija moža rychtavać pravakacyi suprać susiednich krain
Prezident Litvy zajaviŭ, što ŭ śpiecsłužbaŭ jość źviestki ab mahčymych adzinkavych pravakacyjach z boku Rasii suprać susiednich dziaržaŭ, piša Delfi.lt.
Fota: Jonathan Raa/NurPhoto via Getty Images
Pavodle jaho słoŭ, Maskva ciapier nie zdolnaja vieści poŭnamaštabnuju vajnu na dva franty, adnak ryzyka asobnych pravakacyj zachoŭvajecca.
U suviazi z hetym Litva ŭžo ŭzmacniła achovu abjektaŭ krytyčnaj infrastruktury — enierhietyki, transpartu i suviazi. Da harantavańnia biaśpieki pryciahnuty jak pravaachoŭnyja orhany, tak i Uzbrojenyja siły.
Pavodle słoŭ H. Naŭsiedy, kali Rasija napadzie na lubuju dziaržavu NATA, jana sutykniecca z žorstkim adkazam Aljansu.
«Pierš za ŭsio davajcie pierastaniem kazać pra toje, što pahroza isnuje tolki dla asobnych susiednich z nami krain. Takija zajavy niekanstruktyŭnyja. Što aznačała b interviencyja Rasii suprać toj ci inšaj krainy NATA? Heta aznačaje, što Rasija napadaje na ŭsio NATA», — zajaviŭ prezident Litvy.