Prypyniŭ pracu bujny naftapierapracoŭčy zavod u Baškartastanie
Paśla ataki ŭkrainskich bieśpiłotnikaŭ prypyniŭ pracu adzin z najbujniejšych naftapierapracoŭčych zavodaŭ Rasii — «Hazpram naftachim Sałavat» u Baškartastanie.
Zavod «Hazpram naftachim Sałavat». Fota ilustracyjnaje
Pavodle infarmacyi ahienctva Reuters sa spasyłkaj na krynicy ŭ halinie, u vyniku ŭdaru byli paškodžanyja dźvie asnoŭnyja ŭstanoŭki pieršasnaj pierapracoŭki nafty, a taksama niekalki druhasnych ustanovak i inšaje abstalavańnie. Ramont moža zaniać ad niekalkich tydniaŭ da niekalkich miesiacaŭ.
Ataka adbyłasia ŭ noč na 14 lipienia. Kiraŭnik Baškartastana zajaŭlaŭ, što klučavyja abjekty pradpryjemstva nie paciarpieli i što zavod zmoža adnavić pracu ŭ najbližejšyja dni. Adnak, pavodle krynic Reuters, vytvorčaść była całkam spynienaja.
Zavod «Hazpram naftachim Sałavat» vypuskaje bienzin, dyzielnaje paliva, avijacyjnuju hazu i inšyja naftapradukty. U 2024 hodzie na jaho dolu prypadała kala 2,7% usioj naftapierapracoŭki ŭ Rasii.
Rehularnyja ataki ŭkrainskich bieśpiłotnikaŭ pa rasijskich naftapierapracoŭčych pradpryjemstvach užo pryviali da źnižeńnia abjomaŭ pierapracoŭki nafty i stvaryli prablemy z zabieśpiačeńniem palivam u niekatorych rehijonach Rasii.
Čytajcie taksama:
Rasijskaja naftapierapracoŭka abvaliłasia da minimumu z 2005 hoda
Pucin paabiacaŭ adkazvać na ŭkrainskija ŭdary pa Rasii «ŭ niekalki razoŭ macniej»