Pa Mahilovie kursiravaŭ aŭtobus ź vialikaj dzirkaj u padłozie
Žartavali, što heta taki chitrazadumany kandyjacynier.
Pa mahiloŭskim maršrucie № 18 ad vulicy Facina da vulicy 30 hadoŭ Pieramohi kursiravaŭ aŭtobus sa značnym defiektam u sałonie. Videa apublikavaŭ padpisčyk akaŭnta «Supier Mahiloŭ» u Threads, piša Blizko.by.
U zadniaj častcy sałona, pad siadzieńniami, była vidać vialikaja dzirka ŭ padłozie.
Jana nastolki vialikaja, što praź jaje možna było bieź ciažkaściej razhledzieć pracu miechanizmu zadniaha kardannaha vała aŭtobusa.
Karystalniki ŭ kamientaryjach choć i aburylisia ŭbačanym, ale ŭsio ž znajšli nahodu dla žartaŭ:
- «Heta dla tych, chto psuje pavietra ŭ sałonie».
- «Kandycyjaniera niama, voś i davodzicca vykručvacca».
- «Nahladny dapamožnik dla aŭtakanstruktaraŭ».
- «Zasuń nahu — atrymaješ novyja adčuvańni».