Žychar Naroŭli z nahody naradžeńnia syna prabieh marafon vakoł horada

Jaŭhien 6 lipienia staŭ baćkam druhi raz i z hetaj nahody prabieh 42 kiłamietry vakoł rodnaj Naroŭli. Robić padobnaje jon nie pieršy raz — 4 hady tamu, kali ŭ jaho naradziłasia dačka, jon prajechaŭ na rovary amal 220 kiłamietraŭ, piša vydańnie «Mocnyja naviny».

Skrynšot ź videa

Hetym razam mužčyna prabieh bolš za 42 kiłamietry, pryśviačajučy svoj marafon žoncy, jakaja naradziła jamu druhoje dzicia.

Zabieh daŭsia Jaŭhienu niaprosta, choć jon namahaŭsia padrychtavacca — raskłaŭ zahadździa pa maršrucie butelki z vadoj. 

Niahledziačy na toje, što apošnija kiłamietry jon ledź zmoh dajści, hety žest atrymaŭsia nadzvyčaj pryhožym pryznańniem u kachańni svajoj žančynie.

Kamientary da artykuła