ES uvioŭ sankcyi suprać rasijan za abstreł Kijeva ŭ pačatku lipienia
Pad sankcyi trapili rasijskija kampanii, jakija pastaŭlali dla «Šachiedaŭ» i «Hieraniaŭ» elektronnyja kampanienty dla pavyšeńnia ich ustojlivaści pierad ukrainskimi srodkami radyjoelektronnaj baraćby.
Fota: UNIAN
Rada Jeŭrapiejskaha sajuza vyrašyła ŭvieści abmiežavalnyja miery suprać adnoj fizičnaj asoby i piaci jurydyčnych asob, źviazanych z ahresijaj Rasii suprać Ukrainy, piša UNIAN.
Cankcyi ŭviedzienyja ŭ suviazi z žorstkaj naŭmysnaj vajennaj kampanijaj, jakaja pryvodzić da paražeńniaŭ hramadzianskaj infrastruktury.
Jak havorycca ŭ paviedamleńni Rady ES, sankcyi źviazanyja sa śmiarotnymi masavanymi ŭdarami pa Kijevie ŭ noč na 1 i 5 lipienia.
Asoby i arhanizacyi, jakija trapili pad sankcyi, uvachodziać u rasijski vajenna-pramysłovy kompleks, u tym liku zajmajucca vytvorčaściu bieśpiłotnikaŭ.