U Novałukomli hareŭ cech pa vytvorčaści kieramzitu
U noč na 18 lipienia ŭ Novałukomli Čašnickaha rajona adbyŭsia pažar u cechu kieramzitu. Paviedamleńnie pra ŭzharańnie pastupiła ad rabotnikaŭ pradpryjemstva.
Skrynšot ź videa
Jak akazałasia, zaharełasia kanviejernaja stužka ŭ vytvorčym cechu. Kali na miesca prybyli padraździaleńni MNS, budynak byŭ mocna zadymleny.
Na momant uźniknieńnia pažaru ŭ cechu znachodzilisia vosiem rabotnikaŭ. Jany samastojna pakinuli pamiaškańnie, nichto nie paciarpieŭ.
Ratavalniki apieratyŭna likvidavali ŭzharańnie. U tušeńni pažaru byli zadziejničany dziesiać adzinak techniki MNS.