Paśla ataki pa dvuch składach Wildberries mahli paciarpieć da 15% składskich płoščaŭ kampanii

Paśla ataki bieśpiłotnikaŭ na dva łahistyčnyja centry Wildberries u Maskoŭskaj i Tamboŭskaj abłaściach mahli być paškodžanyja kala 10—15% usich składskich płoščaŭ markietpłejsa. Takuju acenku pryviała krynica vydańnia The Bell, znajomaja ź situacyjaj u kampanii.

Pažar na składzie Wildberries u Elektrastali pad Maskvoj. Skrynšot ź videa

Pavodle słoŭ surazmoŭcy, heta nie aznačaje poŭnaha spynieńnia raboty Wildberries, adnak moža stvaryć surjoznuju nahruzku na łahistyku, asabliva ŭ Maskoŭskim rehijonie, jaki źjaŭlajecca najbujniejšym rynkam dla kampanii.

U noč na 18 lipienia bieśpiłotniki atakavali łahistyčnyja centry Wildberries u Elektrastali Maskoŭskaj vobłaści i ŭ horadzie Katoŭsk Tamboŭskaj vobłaści. Pavodle paviedamleńniaŭ, u vyniku ataki zahinuli vosiem čałaviek, jašče dziasiatki atrymali traŭmy. Aficyjnych danych pra dakładny maštab paškodžańniaŭ składoŭ pakul niama.

Kiraŭnica Wildberries Taćciana Kim paviedamiła, što kampanija razhladaje pytańnie vypłat pradaŭcam, čyje tavary byli stračanyja ŭ vyniku ataki. Pry hetym jana adznačyła, što pavodle dziejnych umoŭ markietpłejs nie abaviazany kampiensavać straty za paškodžanyja abo źniščanyja tavary.

Kamientary da artykuła