Cichanoŭskaja pra ofis u Varšavie: Na adzin z pavierchaŭ zmoža pryjści kožny
Demakratyčnaja lidarka raspaviała pra farmat novaha ofisu ŭ Varšavie.
Śviatłana Ciachnoŭskaja na Tutaka. Fota: Ofis Śviatłany Cichanoŭskaj
«Tut budzie krychu inšy farmat, čym u Vilni. My miarkujem, što heta budzie svojeasablivy chab dla ŭsich biełarusaŭ, kamu treba pryjści, papracavać, pahavaryć. Adzin pavierch budzie adkryty dla takich aktyŭnaściaŭ — kožny zmoža pryjści, parazmaŭlać, pasiadzieć. Mienavita takim my bačym hety farmat», — skazała lidarka demsiłaŭ na fiestyvali Tutaka, piša «Biełsat».
Pavodle Cichanoŭskaj, u Polščy «bolš pracy ź biełarusami», bo tut žyvie vialikaja kolkaść suajčyńnikaŭ i nieabchodna naviedvać bolš haradoŭ.
Nahadajem, što Cichanoŭskaja pierajechała ŭ Varšavu ŭ pačatku lutaha. Pierad hetym Ofis piać z pałovaj hadoŭ dziejničaŭ u Vilni, častka supracoŭnikaŭ zastałasia ŭ stalicy Litvy, vilenskim ofisam zaraz kiruje dypłamatyčny daradca Dzianis Kučynski.