U Rasii mihranta ź Biełarusi asudzili za raspalvańnie varožaści da mihrantaŭ z Azii
Jaho aštrafavali na $100.
Ilustracyjnaje fota: uz24.uz
Hramadzianin Biełarusi, uradženiec Viciebska aburyŭsia navinami pra taksista-mihranta, jaki ŭčyniŭ stralbu ŭ pryharadzie Sankt-Pieciarburha — dzie žyvie i sam biełarus.
Mužčyna pakinuŭ va «Ukantakcie» sieryju kamientaroŭ z zaklikami da vydvareńnia mihrantaŭ i varožymi vykazvańniami ŭ adras «vychadcaŭ z Azii». Biełarus pisaŭ pra «spradviečnuju varožaść» mihrantaŭ da ruskich.
Na sudzie jon poŭnaściu pryznaŭ vinu i rastłumačyŭ svoj učynak, što napisaŭ kamientary ŭ stanie ałkaholnaha apjanieńnia, emacyjna reahujučy na toje, što raniej hramadzianin Uźbiekistana ździejśniŭ hvałt u dačynieńni da jaho siastry. Jon padkreśliŭ, što asabista nie adčuvaje nianaviści da vychadcaŭ z Kaŭkaza i Azii i abaviazaŭsia bolš tak nie rabić.
Maskoŭski rajonny sud Sankt-Pieciarburha pryznaŭ biełarusa vinavatym pavodle artykuła 20.3.1 KoAP RF (dziejańni, nakiravanyja na ŭzbudžeńnie nianaviści i varožaści) i pryznačyŭ štraf pamieram kala $100.