Tramp staŭ hierojem miemaŭ paśla čempijonskaha fota zbornaj Ispanii
«Toj samy čuvak, jakoha nichto nie zaprašaŭ», — žartujuć z fota.
Fota: AP Photo/Jacquelyn Martin
Prezident ZŠA Donald Tramp paśla finału čempijanatu śvietu ŭručyŭ futbalistam zbornaj Ispanii trafiej i dałučyŭsia da cyrymonii ŭznaharodžańnia. Adnak najbolšuju ŭvahu pryciahnuła toje, što Tramp nie pakinuŭ pole, a zastaŭsia pobač z futbalistami padčas ich śviatkavańnia.
Kali hulcy źbiralisia dla tradycyjnaha čempijonskaha fota, prezident ZŠA praciahvaŭ paziravać razam z kamandaj. Prezidentu FIFA Džani Infancina daviałosia padyści i žestam pakazać Trampu, što jamu varta adyści, kab ispanskija futbalisty mahli paŭnavartasna adśviatkavać svaju pieramohu.
Fota: fifa.com
Hetyja kadry chutka razyšlisia pa sacyjalnych sietkach. Ludzi pačali žartavać, što Tramp «staŭ hulcom zbornaj Ispanii», «vyjhraŭ čempijanat śvietu» abo prosta «zmahaŭsia za miesca ŭ centry kadra». «Toj samy čuvak, jakoha nichto nie zaprašaŭ», — iranizujuć inšyja. Niekatoryja paraŭnoŭvajuć jaho sa śviakruchaj, jakaja biez zaprašeńnia dałučyłasia da fota maładzionaŭ na viasielli.
Fota: SarcasticDoodl /Ch
Podpis na zdymku: «Chłopiec surjozna dumaje, što jon častka zbornaj».
Podpis: «Toj samy čuvak, jakoha nichto nie zaprašaŭ».
Fota: jeremynewberger / Ch
Adzin z karystalnikaŭ pažartavaŭ, što paśla pieramohi Ispanii Kubak śvietu nibyta adpraviać u Avalny kabiniet — «pavodle praviłaŭ krainy-haspadyni».