Stali viadomyja mahčymyja supierniki biełaruskich kłubaŭ u trecim raŭndzie Lihi kanfierencyj
Matčy druhoha raŭndu kvalifikacyi futbolnaj Lihi kanfierencyi jašče nie startavali, a siońnia ŭžo prajšło losavańnie treciaha raŭndu.
Fota: uefa.com
Čempijon Biełarusi «MŁ Viciebsk» vybyŭ z kvalifikacyi Lihi čempijonaŭ, ale praciahnie baraćbu ŭ Lizie kanfierencyj, jaho supiernikam budzie čarnahorskaja «Sućjeska». Minskaje «Dynama» zhulaje z azierbajdžanskim «Nieftčy», a BATE sa šviejcarskim «Śjonam».
Takim čynam pieramožcam pary «MŁ Viciebsk» — «Sućjeska» zhulaje ź pieramožcam «Borac» (Bośnija i Hiercahavina) — «Pietrakub» (Małdova).
Pieramožca pary «Dynama» (Minsk) — «Nieftčy» (Baku) zhulaje ź pieramožcam dvuboju «Žaleźničar» (Sierbija) — «Braha» (Partuhalija).
BATE ŭ vypadku pieramohi nad «Śjonam» zhulaje ź pieramožcam pary «Zimbru» (Małdova) — «Noa» (Armienija).
Matčy 2‑ha raŭndu ŁK projduć 22‑23 i 30 lipienia. Matčy 3‑ha raŭndu ŁK — 6 i 13 žniŭnia.