Rybaki złavili na Prypiaci soma, ale nie dumali, što jaho mohuć skraści

Na Prypiaci ŭ Pietrykaŭskim rajonie adbyŭsia niezvyčajny vypadak — u rybakoŭ skrali ŭžo złoŭlenaha soma. Kali kradziažy rybałoŭnych snaściej abo łodak užo nie ličacca redkaściu, to vykradańnie čužoha ŭłovu zdarajecca značna radziej i siarod rybałovaŭ ličycca adnym z samych nieprystojnych učynkaŭ, piša vydańnie Fishing.by.

Fota: fishingby.com

Incydent adbyŭsia kala ahraharadka Konkavičy. Paśla taho jak rybaki złavili soma, jany padpłyli da bieraha i pakinuli rybu na kukanie — śpiecyjalnym trosie abo šnury, jaki vykarystoŭvajuć dla zachoŭvańnia žyvoha ŭłovu ŭ vadzie. Paśla hetaha jany znoŭ vyjechali na raku praciahvać rybałku.

Kali rybaki viarnulisia, soma na miescy ŭžo nie było. Pavodle ich słoŭ, niechta źniaŭ rybu z kukana i zabraŭ jaje.

Adzin z paciarpiełych, rybak Andrej, raskazaŭ, što ŭ jaho jość padazreńni adnosna taho, chto moh heta zrabić. Pavodle jaho słoŭ, tolki niekalki inšych rybakoŭ bačyli, jak jany paśla ŭdałaha ŭłovu pryviazvali soma kala bieraha. Andrej taksama adznačyŭ, što heta ŭžo druhi vypadak, kali mienavita na hetaj račnoj kasie ŭ jaho kraduć złoŭlenaha soma.

Hety vypadak staŭ jašče adnym napaminam pra toje, što padčas rybałki nieabchodna sačyć nie tolki za łodkaj i snaściami, ale i za ŭłovam. 

Kamientary da artykuła