Prezident Irana zajaviŭ pra «tatalnuju vajnu» z ZŠA
Prezident Irana Masud Piezieškijan paśla dziaviataj nočy amierykanskich udaraŭ zajaviŭ, što kraina apynułasia ŭ stanie poŭnamaštabnaj vajny.
Masud Piezieškijan. Fota: Iranian Presidency / Anadolu via Getty Images
«Realnaść takaja, što siońnia Isłamskaja Respublika Iran sutyknułasia z tatalnaj vajnoj, jakuju viaduć Złučanyja Štaty», — skazaŭ jon.
Pavodle źviestak Tehierana, udary ciapier nanosiacca nie tolki pa poŭdni krainy, ale i pa centralnych i paŭnočna-zachodnich rehijonach, piša Bild.
Iranskija ŭłady paviedamili pra ataku na Tebryz, dzie zahinuŭ jak minimum adzin čałaviek, a taksama pra ŭdary pa abjektach u Bušery i na budaŭničaj placoŭcy atamnaj stancyi Darchavin.
Donald Tramp zajaviŭ, što apošnija ataki pravodziacca «ŭ honar zahinułych amierykanskich vajskoŭcaŭ». Pavodle dadzienych ZŠA, z pačatku vajny zahinuli 17 amierykanskich sałdat. Iran paviedamlaje pra 50 zahinułych i bolš čym 500 paranienych.