Ilcham Alijeŭ raskazaŭ pra patajemnuju rasijska-niamieckuju sustreču ŭ Baku
Prezident Azierbajdžana Ilcham Alijeŭ padčas pres-kanfierencyi ź fiederalnym kancleram Hiermanii Frydrycham Miercam paćvierdziŭ, što 12—14 lipienia ŭ Baku nibyta bieź viedama aficyjnych uładaŭ prajšła nieaficyjnaja sustreča byłych vysokapastaŭlenych pradstaŭnikoŭ Hiermanii i Rasii, pryśviečanaja mahčymym šlacham spynieńnia vajny va Ukrainie.
Prezident Azierbajdžana Ilcham Alijeŭ. Fota: azertag.az
Pavodle słoŭ Alijeva, azierbajdžanski bok nie ŭdzielničaŭ u pieramovach, adnak danyja pra rejsy paćviardžajuć fakt sustrečy. Prezident Azierbajdžana adznačyŭ, što Baku moža tolki vitać takija kantakty, kali ich metaj było sadziejničańnie spynieńniu vajny:
«Ja nie mahu kamientavać detali, pakolki my nie prysutničali na sustrečy. Adnak danyja pra rejsy dazvalajuć mnie śćviardžać, što sakretnaja sustreča ŭ Baku sapraŭdy adbyłasia. Kali heta sustreča była zaklikana spryjać spynieńniu vajny pamiž Rasijaj i Ukrainaj, my možam tolki vitać heta».
Pavodle danych azierbajdžanskaj pamiežnaj słužby, 12 lipienia ŭ krainu prybyli były premjer Brandenburha Macijas Płatcek i eks-kiraŭnik viedamstva kanclera Hiermanii Ronald Pofała.
Nieŭzabavie paśla ich u Azierbajdžan pryjechali ludzi, nabližanyja da Uładzimira Pucina — były staršynia ŭrada Rasii Viktar Zubkoŭ i staršynia Rady pry prezidencie RF pa raźvićci hramadskaj supolnaści i pravach čałavieka Valeryj Fadziejeŭ.
Fiederalny kancler Hiermanii Frydrych Mierc zajaviŭ, što jaho ŭrad u sustrečy nie ŭdzielničaŭ i jamu ničoha pra jaje nie viadoma.
Čytajcie taksama:
Łaŭroŭ zajaviŭ, što Rasija budzie vajavać da poŭnaj kapitulacyi Ukrainy