Tramp choča, kab Infancina staŭ hienieralnym sakratarom AAN
Tramp ličyć, što prezidenta FIFA pavažajuć va ŭsim śviecie.
Džani Infancina i Donald Tramp rychtujucca ŭručać miedali paśla finału čempijanatu śvietu. Fota: Jacquelyn Martin / AP
Prezident ZŠA Donald Tramp chacieŭ by bačyć prezidenta FIFA Džani Infancina na pasadzie hienieralnaha sakratara AAN, paviedamlaje New York Post.
Prezident Mižnarodnaj fiederacyi futboła (FIFA) zbliziŭsia z Trampam padčas arhanizacyi i praviadzieńnia čempijanatu śvietu pa futbole 2026 hoda. U śniežni minułaha hoda jon uručyŭ Trampu premiju miru FIFA.
Pavodle krynicy vydańnia, blizkaj da prezidenta ZŠA, Tramp ličyć, što Infancina «pavažajuć va ŭsim śviecie», i pryznaje, što «jon vałodaje asablivaj zdolnaściu abjadnoŭvać ludziej».
Novy hienieralny sakratar AAN budzie abrany sioleta na źmienu partuhalcu Antoniju Huteryšu, jaki pakinie pasadu ŭ kancy śniežnia. Kab zaniać hetuju pasadu, Infancina nieabchodna budzie atrymać padtrymku ŭsich 15 členaŭ Savieta Biaśpieki AAN, pry hetym piać pastajannych členaŭ majuć prava vieta. Paśla hetaha kandydaturu pavinna budzie zaćvierdzić Hienieralnaja Asambleja AAN.
Pakul niezrazumieła, ci sam Infancina zacikaŭleny ŭ pasadzie hienieralnaha sakratara AAN i nakolki padrabiazna Tramp abmiarkoŭvaŭ ź im hetaje pytańnie. Adnak, jak adznačaje New York Post, kiraŭnik ZŠA bačyć realnuju mahčymaść dla takoha pryznačeńnia na fonie siami kandydataŭ, jakich adzin ź insajdaraŭ acharaktaryzavaŭ jak «słabych».