Hihanckija składy Wildberries i «Piatroviča» harać pad Pieciarburham, u Ćviery i Simfieropali
U pres-słužbie kampanii zajavili, što ich rabota časova prypynienaja.
Spačatku źjaviłasia infarmacyja, što byŭ atakavany i zahareŭsia skład Wildberries u vioscy Novasarataŭka Usievałažskaha rajona Leninhradskaj vobłaści.
Akramia taho, byŭ atakavany skład Wildberries u Simfieropali. Paźniej ataku paćvierdzili i ŭ samoj kampanii, paviedamiŭšy pra evakuacyju piersanału.
«Sartavalny centr kampanii ŭ Simfieropali byŭ evakujavany ŭ adpaviednaści z patrabavańniami biaśpieki», — paviedamili ŭ pres-słužbie WB.
Paźniej stała viadoma, što pad Pieciarburham pałajuć jak minimum čatyry chaby ŭ Šušarach i Vutkinaj Zavadzi.
Miarkujučy pa videa, niekatoryja składy źniščanyja daščentu.