U Biełaviežskaj puščy znajšli zahadkavy hryb-parazit
U samym sercy Biełaviežskaj puščy navukovyja supracoŭniki ŭpieršyniu za ŭsiu historyju nazirańniaŭ vyjavili dziŭny i zahadkavy hryb-parazit z rodu Sizihaspora (Syzygospora), paviedamili ŭ navukovym adździele nacparka.
Fota: npbp.by
Raniej pradstaŭniki hetaha rodu ŭ nacyjanalnym parku nie rehistravalisia.
Jak adznačajuć śpiecyjalisty, hety hryb paražaje lasny hryb z rodu Gymnopus i litaralna ŭkaraniajecca ŭ jaho tkanki na kletkavym uzroŭni. U vyniku ŭ haspadara pačynajuć farmiravacca niezvyčajnyja voskapadobnyja narasty, jakija nahadvajuć mozh.
Pavodle słoŭ daśledčykaŭ, Syzygospora — vielmi redki i małavyvučany parazit, tamu znachodku pakul udałosia vyznačyć tolki da rodu.
Kab vyśvietlić, jaki mienavita vid vyjaŭleny ŭ Biełaviežskaj puščy — Syzygospora mycetophila ci inšy, mahčyma, nieviadomy navucy, — navukoŭcam treba budzie pravieści dadatkovyja mikraskapičnyja i hienietyčnyja daśledavańni.
Čytajcie taksama:
Na Homielščynie znajšli redki hryb, jakoha nie bačyli bolš za 60 hadoŭ
U Kličaŭskim rajonie mužčyna sabraŭ za dźvie hadziny 15 kiłahramaŭ lisičak FOTAFAKT
U Minsku zaŭvažyli jadomy hryb, zaniesieny ŭ Čyrvonuju knihu