Sabalenka ŭvajšła ŭ piaciorku tenisistaŭ z samymi vysokimi zarobkami za hod

28‑hadovaja biełaruska Aryna Sabalenka trapiła ŭ rejtynh samych vysokaapłatnych tenisistaŭ za pieryjad z 1 lipienia 2025 hoda pa 1 lipienia 2026 hoda. Sabalenka ŭ rejtynhu, u jakim uličvalisia spartsmieny abodvuch pałoŭ, zaniała piataje miesca, piša «Trybuna».

Aryna Sabalenka. Fota: Robert Prange / Getty Images

Pieršaja rakietka śvietu siarod žančyn zarabiła za hety pieryjad amal 36 miljonaŭ dalaraŭ. A na pieršym miescy — 23‑hadovy ispaniec Karłas Alkaras (62,9 miljona dalaraŭ).

Top-10 vyhladaje tak:

1. Karłas Alkaras (Ispanija) — $62,9 miljona ($18,9 miljona pryzavych i $44 miljona markietynhavych dachodaŭ);

2. Janik Sinier (Italija) — $59 miljonaŭ (29 miljonaŭ i 30 miljonaŭ adpaviedna);

3. Koka Haŭf (ZŠA) — $40,3 miljona (5,3 miljona i 35 miljonaŭ);

4. Sierena Uiljams (ZŠA) — $40 miljonaŭ (8,9 tysiač i 40 miljonaŭ);

5. Aryna Sabalenka (Biełaruś) — $35,9 miljona (13,9 miljona i 22 miljony);

6. Novak Džokavič (Sierbija) — $25,6 miljona (4,6 miljona i 21 miljon);

7. Čžen Cyńveń (Kitaj) — $24,6 miljona (0,6 miljona i 24 miljony);

8. Iha Śviontak (Polšča) — $22,8 miljona (8,8 miljona i 14 miljonaŭ);

9. Alaksandr Źvieraŭ (Hiermanija) — $16,7 miljona (10,7 miljona i 6 miljonaŭ);

10. Alena Rybakina (Kazachstan) — $16,3 miljona (11,3 miljona i 5 miljonaŭ).

Usie sumy pryviedzienyja da vyliku padatkaŭ i ahienckich kamisij.

Kamientary da artykuła