U najeździe na ŁHBT-prajd u Bierlinie padazrajuć 21‑hadovaha isłamista, jaho šukajuć pa ŭsioj Hiermanii
Niamieckaja palicyja vyśvietliła asobu mierkavanaha napadnika, jaki ŭčora poźnim viečaram na biełym aŭtamabili ŭjechaŭ u natoŭp ludziej u bierlinskim rajonie Tyrharten padčas praviadzieńnia ŁHBT-prajdu.
Hałoŭnym padazravanym staŭ 21‑hadovy hramadzianin Hiermanii livanskaha pachodžańnia Abduł Bałut, jaki naradziŭsia ŭ Bierlinie ŭ 2005 hodzie. Pavodle infarmacyi vydańnia BILD, jon moža padazravacca ŭ suviaziach z terarystyčnaj hrupoŭkaj «Isłamskaja dziaržava». Ahienctva DPA taksama adznačaje, što siłaviki adnosiać jaho da bierlinskaha isłamisckaha asiarodździa.
Chłopiec užo mieŭ prablemy z zakonam za vymahalnictva i naniasieńnie ciažkich cialesnych paškodžańniaŭ. Tolki ŭ mai 2026 hoda jon vyjšaŭ z ustanovy dla niepaŭnaletnich złačyncaŭ, dzie adbyvaŭ pakarańnie.
Palicyja papiaredžvaje, što ŭciakač moža być uzbrojeny i vielmi niebiaśpiečny, tamu zaklikaje hramadzian nie sprabavać zatrymać jaho samastojna.
Učora ŭ natoŭp ludziej u parku Tyrharten pryblizna a 22:00 urezaŭsia bieły furhon. Žančyna zahinuła, 17 čałaviek paranienyja.
Imavierna, padazravany arhanizoŭvaŭ napad nie adzin.