36 hadoŭ tamu była pryniata Dekłaracyja ab suvierenitecie
Praz hod, 25 žniŭnia 1991 hoda, joj byŭ nadadzieny status kanstytucyjnaha aktu, i Biełaruś stała niezaležnaj.
Adznačeńnie Dnia Niezaležnaści 27 lipienia na dziaržaŭnym uzroŭni ŭ Minsku ŭ pačatku 1990-ch.
27 lipienia 1990 hoda Viarchoŭny Saviet BSSR absalutnaj bolšaściu hałasoŭ, amal adnahałosna, pryniaŭ Dekłaracyju ab dziaržaŭnym suvierenitecie. Biełarusy pajšli za prykładam inšych respublik impieryi, a najpierš — ukraincaŭ, jakija pryniali svaju dekłaracyju 16 lipienia.
Dekłaracyja nie źmianiła realnaha stanu krainy jak častki SSSR, ale stvaryła hrunt dla abviaščeńnia niezaležnaści ŭ 1991. Tady ŭ žniŭni parłamient nadaŭ Dekłaracyi 1990 hoda status kanstytucyjnaha akta.
U mnohich inšych krainach Jeŭropy daty pryniaćcia takich aktaŭ stali dziaržaŭnymi śviatami, Dniami niezaležnaści.
U Biełarusi 27 lipienia było dziaržaŭnym śviatam, vychadnym dniom u 1991—1996 hadach, pakul Alaksandr Łukašenka nie zamianiŭ jaho dataj z savieckaj historyi — 3 lipienia.
U 1990‑ia i na pačatku 2000‑ch datu praciahvali śviatkavać demanstracyjami ŭ stalicy, až pakul ułady nie abmiežavali svabodu schodaŭ.