U Breście školnik pasprabavaŭ paŭtaryć futbolny truk, ale apynuŭsia ŭ balnicy
U balnicu trapiŭ dzieviacihadovy chłopčyk.
Fota: Lookby.Media
U balnicu źviarnułasia žančyna razam z synam. Pavodle jaje słoŭ, chłopčyk pajšoŭ na treniroŭku i praź niekatory čas patelefanavaŭ joj, paviedamiŭšy, što bieh pa vulicy, upaŭ i ŭdaryŭsia hałavoj, paviedamlaje Dziaržkamitet sudovych ekśpiertyz.
Padčas abśledavańnia miedyki vyjavili ŭ dziciaci adkrytuju čerapna-mazhavuju traŭmu. Chłopčyka špitalizavali.
Jak vyśvietliłasia, chłopčyk u kalidory vučebna-spartyŭnaha centra, padbieh da dziaciej, jakija stajali pobač, i padskočyŭ uvierch. Adnak nie ŭtrymaŭsia na nahach i ŭpaŭ.
Napeŭna, viadziecca razmova pra truk śviatkavańnia hoła Kryšcijanam Ranałdu. Jon, zabiŭšy hoł, bieh da kraju pola, padskokvaŭ uvierch i razvaročvaŭsia na 180 hradusaŭ.