U minskim Sielhaspasiołku pačali znosić pryvatny siektar FOTY
Kavałački staroha Minska praciahvajuć pastupova sastupać miesca novamu. Tam źnieśli pryvatny siektar, tut rasčyścili terytoryju — i voś užo źjavilisia placoŭki dla śviežych šmatpaviarchovikaŭ. Chutka novyja panelnyja damy vyrastuć u rajonie Sielhaspasiołka. Dziela ich užo pačali znosić pryvatnyja padvorki, piša «Anłajnier».
«Na terytoryi Sielhaspasiołka ŭ miežach vulic Łukjanoviča, Uschodniaj, 1‑j Pasiałkovaj, Leanida Biady prystupili da znosu pryvatnaha siektara — idzie padrychtoŭka placoŭki dla ŭźviadzieńnia šmatkvaternaha žyłoha doma», — raskazali ŭ administracyi Savieckaha rajona.
Raniej paviedamlałasia, što na hetaj terytoryi płanujecca ŭźviadzieńnie dvuch vysotnych damoŭ, kvatery ŭ jakich, vierahodna, dastanucca tym, chto staić u čarzie. Taksama źjavicca naziemny parkinh. Navabudoŭli raźmieściacca niedaloka ad kamiercyjnaha žyłoha kompleksu «4 siezony».
Zakazčykam budaŭnictva vystupaje UKB Savieckaha rajona. Praces padzielać na dźvie čarhi. Papiaredni termin zaviaršeńnia pieršaj čarhi budaŭnictva — druhi kvartał 2028 hoda.
Čytajcie taksama:
U Cniancy pad Minskam płanujuć pabudavać novy žyły kvartał
Samy darahi katedž u Minsku ŭ krasaviku pradali za 360 tysiač dalaraŭ
U Minsku znosiać «Viosku navukoŭcaŭ». Na jaje miescy vyraście prestyžny ŽK
U rajonie vulicy Majakoŭskaha ŭ Minsku źniasuć pryvatny siektar i pabudujuć try šmatpaviarchoviki