Prezident FIFA choča padzialicca pravami na mundyjal ź blizkimi da Trampa pryvatnymi inviestarami
Prezident Mižnarodnaj fiederacyi futboła Džani Infancina płanuje pryciahnuć pryvatnych inviestaraŭ da kiravańnia kamiercyjnymi pravami čempijanatu śvietu, paviedamlaje vydańnie The Times.
Džani Infancina i Donald Tramp padčas uručeńnia ŭznaharod čempijanatu śvietu 2026 hoda. Fota: AP Photo/Jacquelyn Martin
Pa infarmacyi haziety, płan praduhledžvaje stvareńnie asobnaj kampanii, jakaja budzie zajmacca arhanizacyjaj i kamiercyjnym kiravańniem suśvietnym pieršynstvam.
Uznačalić inviestycyjnuju hrupu pavinna kampanija Thrive Capital, zasnavanaja Džošua Kušnieram — małodšym bratam Džareda Kušniera, ziacia prezidenta ZŠA Donalda Trampa.
Paviedamlajecca, što Infancina ŭžo pravioŭ na hety kont kansultacyi z asobami, blizkimi da administracyi Donalda Trampa.
Košt ździełki pa prodažy doli ŭ pravach na čempijanat śvietu aceńvajecca prykładna ŭ 17 miljardaŭ jeŭra. Pry hetym FIFA płanuje zachavać kantrolny pakiet akcyj i asnoŭny ŭpłyŭ na kiravańnie turniram.
Sam Infancina zajaviŭ, što dalejšaje raźvićcio suśvietnaha futboła patrabuje novaj arhanizacyjnaj madeli. Pavodle jaho słoŭ, kamiercyjny bok hulni pavinien pracavać jak samastojny i efiektyŭny biznes, što dazvolić jašče bolš pašyryć papularnaść futboła i pavialičyć jaho ekanamičny patencyjał va ŭsim śviecie.
Čempijanat śvietu 2026 hoda niadaŭna prajšoŭ u ZŠA, Kanadzie i Mieksicy. U finalnym matčy, jaki adbyŭsia ŭ amierykanskim Ńju-Džersi, zbornaja Ispanii ŭ dadatkovy čas ź likam 1:0 pieramahła Arhiencinu i stała novym čempijonam śvietu.
Čytajcie taksama:
Tramp choča, kab Infancina staŭ hienieralnym sakratarom AAN
Tramp staŭ hierojem miemaŭ paśla čempijonskaha fota zbornaj Ispanii
FIFA adkłała dyskvalifikacyju najlepšaha bambardzira zbornaj ZŠA paśla zvanka ź Biełaha doma