Stała viadoma, za što buduć sudzić byłoha hiendyrektara Hrodzienskaha miasakambinata
Byłoha sienatara Aleha Ivanova abvinavačvajuć u atrymańni chabaru ŭ bujnym i asabliva bujnym pamierach.
Pavodle viersii śledstva, ź lipienia 2019 pa maj 2025 hoda top-mieniedžar atrymaŭ ad piaci kampanij hrošy i kryptavalutu na ahulnuju sumu 1,8 miljona rubloŭ.
Niezakonnyja ŭznaharodžańni pieraličvalisia na rachunki i kašalki jaho dački, jakaja nie viedała pra złačynnaje pachodžańnie srodkaŭ. Za heta dyrektar zabiaśpiečvaŭ zakupku charčovych dabavak u patrebnych pastaŭščykoŭ.
Pavodle hienprakuratury, Ivanoŭ zaklučyŭ dasudovuju damovu, całkam kampiensavaŭ niezakonny dachod, raskazaŭ pra inšyja złačynstvy.
Da suda jon zastajecca pad vartaj.
Byłoha dyrektara Hrodzienskaha miasakambinata zvolnili z pasady dyrektara pradpryjemstva i daterminova prybrali ź sienataraŭ u kastryčniku minułaha hoda.
Aleh Ivanoŭ staŭ šyroka viadomym na postsavieckaj prastory dziakujučy artykułu na kanale «Hrodna Plus».
Rezanansny materyjał vyjšaŭ pad zahałoŭkam «Sakretny inhredyjent najlepšaj kaŭbasy — ludzi».