U Kijevie mužčyna zarezaŭ doktarku padčas prachodžańnia vajskova-lekarskaj kamisii

U Kijevie padčas prachodžańnia vajskova-lekarskaj kamisii 31‑hadovy mužčyna nanios śmiarotnyja nažavyja ranieńni 65‑hadovaj doktarcy. Pra heta paviedamili pravaachoŭnyja orhany i Kijeŭski haradski terytaryjalny centr kamplektavańnia i sacyjalnaj padtrymki.

Zdymak ilustracyjny. Fota: magnific.com

Pavodle papiaredniaj infarmacyi, mužčynu, jakoha palicyja dastaviła ŭ Padolski rajonny terytaryjalny centr kamplektavańnia za parušeńnie pravił vajskovaha ŭliku, nakiravali na prachodžańnie pazaštatnaj vajskova-lekarskaj kamisii.

Padčas ahladu ŭ kabiniecie chirurha jon raptoŭna napaŭ na doktarku z nažom. Žančyna atrymała šmatlikija ranieńni hrudnoj kletki i ruk i pamierła na miescy zdareńnia.

Napadnika adrazu zatrymali supracoŭniki palicyi. Na miescy praciahvajuć pracavać śledčyja.

Pavodle fakta zdareńnia raspačali kryminalnuju spravu pa artykule ab naŭmysnym zabojstvie čałavieka ŭ suviazi z vykanańniem im słužbovych abaviazkaŭ. Sankcyja hetaha artykuła praduhledžvaje pakarańnie ad dziesiaci hadoŭ pazbaŭleńnia voli da pažyćciovaha źniavoleńnia. U najbližejšy čas zatrymanamu pavinny vystavić aficyjnaje abvinavačańnie.

U Kijeŭskim terytaryjalnym centry kamplektavańnia taksama padkreślili, što vajskova-lekarskija kamisii źjaŭlajucca cyvilnymi ŭstanovami, nie padparadkoŭvajucca orhanam vajskovaha kiravańnia Uzbrojenych sił Ukrainy, a ich miedycynski piersanał składajecca z cyvilnych rabotnikaŭ.

Kamientary da artykuła